«Աստոն Վիլլայի» նոր սեփականատեր Տոնի Սյան հայտնել է, որ իրենք մտադիր են առաջիկա 5 տարվա ընթացքում մասնակցել Չեմպիոնների Լիգային, իսկ հաջորդ 5 տարում՝ հաղթել այն։
Այս շաբաթ Պրեմիեր Լիգան և Ֆուտբոլային Լիգան թույլատրեցին բիրմինգհեմյան ակումբի վաճառքը 39-ամյա չինացուն։
Գաղտնիք չէ, որ այժմ «վիլլացիները» ծանր ժամանակներ են ապրում։ 1982 թվականին այս ակումբը հաղթեց Եվրոպական չեմպիոնների գավաթը, և Սյան հուսով է վերականգնել բիրմինգհեմցիների երբեմնի ֆուտբոլային դիրքերը։
-Մեզ համար իսկապես շատ կարևոր է Պրեմիեր Լիգա վերադառնալը, և որքան հնարավոր է՝ շուտ։ Իդեալական կլինի՝ առաջին իսկ մրցաշրջանում։ Ես հուսով եմ, որ Չեմպիոնների Լիգայում կխաղանք առաջիկա 5 տարում, իսկ 10 տարում կհաղթենք այն,- ասել է Սյան։ The Guardian
