«Լիվերպուլի» գլխավոր մարզիչ Բրենդան Ռոջերսը խոստովանել է, որ ընթացիկ մրցաշրջանում Պրեմիեր Լիգայի չեմպիոնական տիտղոսն իր թիմի համար անհասանելի է:
Ռոջերսի սաները հաջող սկսեցին մրցաշրջանը, սակայն այժմ առաջատար «Արսենալից» հետ են 8 միավորով: Հյուսիսիռլանդացի մարզիչն այժմ ընդունում է, որ իր թիմը Պրեմիեր Լիգայի գրանդների համեմատ այլ քաշային կարգում է:
-Ես կարծում եմ, որ չեմպիոնությունը դեռ վաղ է մեզ համար: Ես հետևում էի «Մանչեսթեր Սիթի» – «Չելսի» խաղին և տեսնում էի նրանց կազմը, այն ֆուտբոլիստներին, որոնց հավաքել են վերջին մի քանի տարիներին: Այս մրցաշրջանում մենք չենք կարող պայքարել նրանց դեմ: Ընթացիկ մրցաշրջանում տիտղոսն անհասանելի է մեզ համար,- ասել է Ռոջերսը: Sky Sports
