«Ֆլամենգոն» պաշտոնապես հայտնել է «Արսենալի» ձախ պաշտպան Անդրե Սանթոսի ձեռքբերման մասին:
30-ամյա բրազիլիացին «Ֆլամենգոյի» հետ 2 տարվա պայմանագիր է ստորագրել: «Արսենալը» ոչ մի փոխհատուցում չի ստացել այս տրանսֆերից և անգամ որոշակի գումար կվճարի Սանթոսին՝ պայմանագրի վաղաժամ խզման համար:
Բրազիլիայի հավաքականի ֆուտբոլիստն «Արսենալում» էր երկու տարի, բայց այդպես էլ չկարողացավ դառնալ հիմնական կազմի ֆուտբոլիստ: Անդրեն մշտապես քննադատության էր ենթարկվում երկրպագուների կողմից:
Նոյեմբերին այդ քննադատությունները հասան գագաթնակետին, երբ նա «Մանչեսթեր Յունայթեդի» հետ խաղի ընդմիջմանը մարզաշապիկի համար բառացիորեն աղաչեց իր նախկին թիմակից Ռոբին Վան Պերսիին: