Պրեմիեր լիգան հրապարակել է 15 նոր հավակնորդների անունները, որոնք ընդգրկվելու են Փառքի սրահում։
Հիշեցնենք, որ Սէր Ալեքս Ֆերգյուսոնը և Արսեն Վենգերը դարձան առաջին մարզիչները, ովքեր ներկայացվեցին Փառքի սրահում, որտեղ նախկինում ընդունվել էին 16 խաղացողներ։
Փառքի սրահի հաջորդ համալրումը տեղի կունենա մայիսի 3-ին, իսկ այդ հաջողակները կորոշվեն Պրեմիեր լիգայի կայքում քվեարկությամբ մինչև ապրիլի 10-ը:
Թեկնածուներն են Թոնի Ադամսը, Էշլի Քոուլը, Գարի Նևիլը, Սոլ Քեմպբելը, Ջերմեյն Դեֆոն, Մայքլ Օուենը, Մայքլ Կարրիկը, Լես Ֆերդինանդը, Ջոն Թերրին, Պետր Չեխը, Ռիո Ֆերդինանդը, Յայա Տուրեն, Էնդրյու Քոուլը, Ռոբի Ֆաուլերը և Նեմանյա Մատիչը։
Փառքի սրահում ընդգրկվելու համար խաղացողը պետք է ավարտած լինի իր խաղային կարիերան մինչև 2023 թվականի հունվարի 1-ը: Պրեմիեր լիգան հաշվում է միայն նվաճումները իր մրցակցության շրջանակներում:
Փառքի սրահում ընդգրկված յուրաքանչյուր ոք ստանում է անհատականացված մեդալիոն և 10,000 ֆունտ ստեռլինգով չեկ՝ իրենց նախընտրած բարեգործական նպատակներին նվիրաբերելու համար:
