«Ասթոն Վիլան» հայտարարել է Ունայ Էմերիին նոր գլխավոր մարզիչ նշանակելու մասին։
Մեկ տարի առաջ մերժելով «Նյուքասլին»՝ Էմերին այժմ որոշել է հեռանալ «Վիլյառեալից» և վերադառնալ Պրեմիեր լիգա, որտեղ նախկինում գլխավորել է «Արսենալը» 2018 թվականի մայիսից մինչև 2019 թվականի նոյեմբերը։
Ունայը կշարունակի Սթիվեն Ջերարդի ժառանգությունը, ով 11 ամիս անցկացրեց Վիլլա Պարկում և հեռացվեց անցյալ շաբաթ մրցաշրջանի անհաջող մեկնարկից հետո:
Էմերին որպես մարզիչ ունի ավելի քան 900 խաղ: Բացի «Վիլյառեալից» և «Արսենալից», Ունայը աշխատել է նաև «ՊՍԺ»-ի, «Սևիլիայի», Մոսկվայի «Սպարտակի», «Վալենսիայի» և «Ալմերիայի» հետ:
Իր ակումբների հետ 50-ամյա իսպանացին չորս անգամ հաղթել է Եվրոպայի լիգայում։ Հերթական անգամ նա «Արսենալի» հետ հասավ այս մրցման եզրափակիչ, բայց այնտեղ պարտվեց «Չելսիին»։
Ըստ Ֆաբրիցիո Ռոմանոյի, «Վիլան» «Վիլյառեալին» վճարել է 6 միլիոն եվրո (5,3 միլիոն ֆունտ ստերլինգ) որպես փոխհատուցում, իսկ ինքը՝ Էմերին, տարեկան 7 միլիոն եվրո (6,1 միլիոն ֆունտ ստեռլինգ) պայմանագիր է ստացել:
«Վիլյառեալն» անզոր էր կանխել Էմերիի հեռանալը, ում պայմանագրի ժամկետը լրանում էր այս մրցաշրջանի վերջում, քանի որ «առյուծները» ակտիվացրել էին Ունայի պայմանագրում ազատման կետը։
«Վիլան» ընդգծել է, որ աշխատանքի թույլտվություն ստանալու անհրաժեշտության պատճառով Էմերին չի կարողանա սկսել աշխատանքը մինչև նոյեմբերի 1-ը, ինչը նշանակում է, որ այս շաբաթ օրը «Նյուքասլի» հետ արտագնա հանդիպումը, ամենայն հավանականությամբ, կանցկացվի առանց Ունայի:
