«Ասթոն Վիլան» թույլատրել է իր կիսապաշտպան Ֆիլիպե Կոուտինյոյին փոխել ակումբային գրանցումը այս ձմեռային տրանսֆերային պատուհանի ժամանակ:
Կոուտինյոն մեկ տարի առաջ վարձավճարով «Բարսելոնայից» տեղափոխվեց «Վիլա Պարկ», իսկ անցյալ ամառ մշտական պայմանագիր կնքեց բիրմինգհեմյան ակումբի հետ:
30 ամյա բրազիլացին այս մրցաշրջանում ընդամենը վեց անգամ է հայտնվել մեկնարկային կազմում և Պրեմիեր լիգայում ոչ մի գոլ չի խփել:
Միաժամանակ Կոուտինյոն շարունակում է բավականին բարձր աշխատավարձ ստանալ «առյուծների» մասշտաբներով, իսկ թիմի նոր գլխավոր մարզիչ Ունայ Էմերին նման խաղացող պահելու անհրաժեշտություն ուղղակի չի տեսնում։
Ինչպես հաղորդում է Football Insider-ը, «Վիլան» բաց է Կոուտինյոյի համար առաջարկների համար: Միակ խնդիրն այն է, որ Ֆիլիպը բացակայում է հենց հիմա ազդրի վնասվածքի պատճառով, և պարզ չէ, թե երբ նա կվերադառնա խաղադաշտ:
