«Արսենալը» «Լեսթերի» կիսապաշտպան Յուրի Տիլեմանսի համար մղվող պայքարում հաղթողի գլխավոր հավակնորդն է:
«Արսենալը» հետաքրքրված էր Տիլեմանսով դեռ անցյալ տրանսֆերային պատուհանին, բայց չհամարձակվեց առաջարկ անել «Լեսթերին» բելգիացի ֆուտբոլիստի համար:
Յուրիի պայմանագիրը ավարտվում է այս մրցաշրջանի վերջում, ինչը նշանակում է, որ «աղվեսները» հունվարին կունենան 25-ամյա կիսապաշտպանի համար գումար ստանալու վերջին հնարավորությունը:
Սպասվում է, որ «Լեսթերը» հունվարին կխնդրի Տիլեմանսի համար շատ ավելի քիչ գումար, քան 38 միլիոն ֆունտ ստերլինգը, որքան գնահատում էին Յուրիին անցյալ ամառ:
Իսկ Daily Mirror-ը պնդում է, որ «Արսենալն» ունի Տիլեմանսին ձեռք բերելու ամենաբարձր հնարավորությունները՝ չնայած Յուրիի նկատմամբ հետաքրքրությանը այլ ակումբների, այդ թվում՝ «Մանչեսթեր Յունայթեդի» և «Յուվենտուսի» կողմից:
«Զինագործները» գրավիչ տեսք ունեն Տիլեմանսի համար Պրեմիեր լիգայում իրենց դիրքի և կիսապաշտպանությունում համեմատաբար փոքր մրցակցության շնորհիվ:
