«Արսենալի» գլխավոր մարզիչ Միկել Արտետան բացատրել է, թե ինչու է հարձակվող Գաբրիել Ժեզուսը լքել «Մանչեսթեր Սիթին»:
Ժեզուսը հաջողությամբ սկսեց իր կարիերան «Արսենալում»՝ երկարաձգելով հիանալի նախամրցաշրջանը՝ երկու գոլով և երկու գոլային փոխանցումով Պրեմիեր լիգայի նոր մրցաշրջանի առաջին երկու հանդիպումներում:
«Սիթիում» Գաբրիելը պարզապես ռոտացիոն խաղացող էր, մինչդեռ Արտետան 25-ամյա բրազիլացուն հնարավորություն է տալիս փայլել որպես առաջատար, և Միկելը սա համարում է իր աշխատանքի հաջորդ քայլը:
«Դա այն էր, ինչ նրան պետք էր: Իհարկե, նա վերջին տարիներին շատ խաղեր է անցկացրել այս առաջնությունում:»
«Նա իսկապես ցանկանում է իրեն զգալ, որպես խաղացող, ով տարբերություն է ստեղծում թիմի համար, դա նրա հաջորդ քայլն է:»
«Իհարկե, մենք գիտենք, թե ինչպիսի խաղացող է նա և ինչ կտա մեզ: Վերջին տարիներին նա հաղթել է ամեն ինչ, կրում է բարձր չափանիշներ՝ հաղթելու չափանիշներ»:
«Իհարկե, մենք պետք է փոխեինք նրա դերը, նա այլ պարտականություններ ունի այս ակումբում, և այժմ նա առաջատարներից մեկն է: Նա բնական առաջնորդ է և իր կարիերայի մի փուլում է, որտեղ պատրաստ է անել այն, ինչ մենք խնդրում ենք նրան» – մեջբերում է Արտետային Evening Standard-ը։
