«Բարսելոնան» «Չելսիի» հարձակվող Պյեր-Էմերիկ Օբամեյանգին դարձրել է իր թիվ մեկ թիրախը կենտրոնական հարձակվողի դիրքում:
2022 թվականի հունվարին «Արսենալից» հեռանալուց հետո Օբամեյանգը անցած մրցաշրջանի երկրորդ կեսում տպավորիչ ելույթ ունեցավ «Բարսելոնայի» կազմում՝ բոլոր մրցաշարերում 24 խաղում խփելով 13 գոլ:
«Բարսելոնան» ամռանը Օբամեյանգին վաճառեց «Չելսիին» 10,3 միլիոն ֆունտով, սակայն Պյեր-Էմերիկը «կապույտների» կազմում հասցրել է անցկացնել ընդամենը 20 խաղ, որոնցում դարձել է 3 գոլի հեղինակ:
Ըստ Sky Sports-ի, «Բարսելոնայի» կարճ ցուցակում ընդգրկված են «Լիվերպուլից» Ռոբերտո Ֆիրմինոն, Մյոնխենգլադբախի «Բորուսիայից» Մարկուս Թուրամը և «Ատլետիկո Պարանաենսեից» Վիկտոր Ռոկեն, սակայն Օբամեյանգը կատալոնական ակումբի հիմնական նպատակն է հարձակվողների շրջանում:
Սպասվում է, որ «Չելսին» խանգարի Պյեր-Էմերիկին։ 33 ամյա գաբոնցին չի մտնում «ազնվականների» երկարաժամկետ ծրագրերի մեջ:
Daily Mail-ն իր հերթին հավելում է, որ Օբամեյանգը ցանկանում է վերադառնալ «Բարսելոնա»՝ այդ մասին անձամբ հայտնելով Նոու Կամպի իր նախկին գործընկերներին։
