«Բարսելոնան» զգալի առաջընթաց է գրանցել «Չելսիի» կիսապաշտպան Նգոլո Կանտեի հետ բանակցություններում։
Կանտեի պայմանագիրը «Չելսիի» հետ ավարտվում է հաջորդ ամառ, և Նգոլոն այս մրցաշրջանում ոչինչ չի արել, որպեսզի արժանանա նոր պայմանագրի:
Առողջական խնդիրների պատճառով 31 ամյա կիսապաշտպանն ընթացիկ մրցաշրջանում «կապույտների» կազմում անցկացրել է ընդամենը երկու հանդիպում և չի ընդգրկվել Ֆրանսիայի հավաքականի կազմում Քաթարում տեղի ունեցող աշխարհի առաջնությանը:
Այս իրավիճակից արդեն փորձում է օգտվել «Բարսելոնան», որը վերջին շաբաթների ընթացքում զգալի առաջընթաց է գրանցել Կանտեի գործակալների հետ բանակցություններում, հայտնում է Sport-ը։
«Բարսելոնան» հույս ունի Կանտեի հետ նախապայմանագիր ապահովել արդեն հունվարին՝ հաջորդ ամառ Նգոլոյին ստորագրելով ազատ գործակալի կարգավիճակով:
Այնուամենայնիվ, նույնիսկ «Բարսելոնան» մտահոգվում է Կանտեի առողջական խնդիրների պատճառով, ուստի կատալոնական ակումբը հետաքրքրված է նաև Ժորժինյոյով «Չելսիից» և Իլկայ Գյունդողանով «Մանչեսթեր Սիթիից», որոնց պայմանագրերը նույնպես ավարտվում են 2022/23 մրցաշրջանի ավարտին։
