«Բորնմուտն» իր առաջին ձեռքբերումը կատարեց հունվարյան տրանսֆերային պատուհանի ընթացքում՝ 20 միլիոն ֆունտով ձեռք բերելով «Լորիեն»-ի վինգեր Դանգո Ուատարային:
Ուատարան հինգուկես տարվա պայմանագիր կնքեց «Բորնմուտի» հետ և դարձավ առաջին ձեռքբերումը «բալերի» համար, որը ստորագրեց ոչ միայն այս տրանսֆերային պատուհանում, այլև Բիլ Ֆոլիի դարաշրջանում, ով անցյալ ամիս ավարտեց ակումբի ձեռքբերումը։
Բուրկինա Ֆասոյի 20 ամյա ֆուտբոլիստն այս մրցաշրջանում շատ տպավորիչ է հանդես եկել «Լորիեն»-ի կազմում՝ ֆրանսիական Լիգա 1-ի 18 խաղում դառնալով 6 գոլի և 6 գոլային փոխանցման հեղինակ:
Իր պաշտոնական հայտարարության մեջ «Բորնմուտը» պնդում է, որ Ուատարայի նկատմամբ լուրջ հետաքրքրություն կար եվրոպական ակումբների կողմից:
