«Մանչեսթեր Յունայթեդի» կիսապաշտպան Դարրեն Ֆլետչերն ապաքինվում է և կկարողանա օգնել իր թիմին հաջորդ մրցաշրջանում:
Հունվարին Դարրենը երկրորդ անգամ դադարեցրեց կարիերան հաստ աղիքի պատճառով: Այդ ժամանակ Շոտլանդիայի ազգային հավաքականի ֆուտբոլիստը վիրահատվեց՝ հուսալով լուծել խրոնիկական խնդիրը:
The Sun պարբերականի փոխանցմամբ, վերջերս 29-ամյա կիսապաշտպանը սկսել է հայտնվել «Յունայթեդի» մարզումներին: Այժմ Դարրենը ուշադրություն է դարձնում ուժային աշխատանքին և մարզվում է երիտասարդական թիմի հետ:
Սպասվում է, որ Ֆլետչերը կմիանա թիմին արդեն ամռանը և նրանց հետ կմասնակցի միջմրցաշրջանային նախապատրաստական աշխատանքներին: