«Արսենալի» նախկին փոխնախագահ Դևիդ Դեյնը վստահ է, որ գլխավոր մարզիչ Արսեն Վենգերը բաց չի թողնի հնարավորությունը՝ այս ամռանը մեծ գումարներ ծախսել թիմն ուժեղացնելու համար:
Ըստ մամուլում տեղ գտած շշուկների՝ Վենգերն ունի մոտ 70 մլն ֆունտ ամառային տրանսֆերների համար: Դեյնը՝ Արսենի լավագույն ընկերներից մեկը, համոզված է, որ ֆրանսիացի մասնագետը կհամալրի թիմը:
-Փաստ է, որ նա համալրման կարիք ունի: Եվ ես գիտեմ, որ Վենգերը դա կանի: Նա աշխարհի լավագույն մարզիչներից է: Նա մարզում է 30 տարի և գիտի, թե ինչ է անում: Նա գիտի, թե ինչ է ուզում և ամեն ինչ արվում է միայն ճիշտ տաղանդների որոնման համար:
Երկար և դժվարին մրցաշրջան է, սակայն ես մնում եմ Արսենի մեծ երկրպագուն: Նա ֆենոմենալ աշխատանք է կատարել և տարեցտարի շարունակում է նույն ոգով,- հայտնել է Դեյնը The Sun պարբերականին տված հարցազրույցի ժամանակ: