• Աստոն Վիլլա
  • Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Բրենթֆորդ
  • Էվերթոն
  • Լիվերպուլ
  • Լյուտոն Թաուն
  • Կրիստալ Փելես
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Նոթինգհեմ Ֆորեստ
  • Շեֆիլդ Յունայթեդ
  • Չելսի
  • Վեստ Հեմ Յունայթեդ
  • Վուլվերհեմպտոն Ուոնդերերս
  • Տոտտենհեմ Հոտսպուր
  • Ֆուլհեմ

Եվս մեկ շանս Բրենդան Ռոջերսին

Բրենդան Ռոջերս«Լիվերպուլի» գլխավոր մարզիչ Բրենդան Ռոջերսի համար գալիք մեկ շաբաթը կարող է որոշիչ լինել: Այսպիսի տեղեկություններ էին տարածվել բրիտանական մամուլում, երբ թիմը սեփական հարկի տակ ոչ-ոքի խաղաց հետնապահ «Նորվիչի» հետ: Ռոջերսը այսպիսի խնդրի բախվել էր նաև նախորդ մրցաշրջանում, երբ 2014 թվականի դեկտեմբերի 14-ին «Լիվերպուլը» պարտվեց «Մանչեսթեր Յունայթեդին»: Դրանից հետո հյուսիսիռլանդացի մարզիչը կարծես կարողացավ թիմին վերակենդանացնել և «մերսիսայդցիները» ցուցադրեցին 15 անպարտելի խաղերից բաղկացած արդյունք:

Նմանատիպ իրավիճակ է ստեղծվում նաև այս մրցաշրջանում: Ոչ-ոքի խաղալով «Նորվիչի» հետ՝ Ռոջերսը հասկացավ, որ թիմի խաղում պետք է թարմություն մտցնել, որը միտված կլինի բարելավելու ոչ միայն պաշտպանությունն, այլ նաև հարձակումը: Արդյունքում հետաքրքիր պատկեր ստացվեց: «Լիվերպուլը» Պրեմիեր Լիգայի 7-րդ տուրում «Աստոն Վիլլայի» հետ հանդիպումը սկսեց այսպիսի մեկնարկային կազմով:

Team

Եթե հիշում եք նախորդ մրցաշրջանի միջնամասում ևս Բրենդան Ռոջերսը փոփոխեց թիմի տակտիկական դասավորությունն` անցնելով 3 պաշտպաններով խաղի:

Հիմա պատկերը մի փոքր այլ է: Ի տարբերություն նախորդ տարվա 3-4-3-ի` այն էլ առանց մաքուր կենտրոնական հարձակվողի, այս անգամ Ռոջերսը ընտրել է 3-4-1-2 տակտիկական սխեման: Փորձենք քննարկել, թե ո՞ր խաղային դիրքում ի՞նչ փոփոխություններ են տեղի ունեցել այս տակտիկական դասավորության ժամանակ:

Պաշտպանություն

«Աստոն Վիլլայի» հետ խաղում «Լիվերպուլը» կարողացավ հաղթանակի հասնել 3:2 հաշվով: Այս տակտիկական սխեմայի առավելություններից առաջինը եզրային ֆուտբոլիստների ավելի մեծ ակտիվությունն է, հատկապես հարձակման ժամանակ: Ե՛վ Քլայնը, և՛ Մորենոն ավելի մեծ ծավալի աշխատանք են կատարում: Իսկ երեք կենտրոնական պաշտպանները` Շկրտելը, Սախոն և Ջանը, կենտրոնացած են պաշտպանական գործողությունների վրա: Էմրե Ջանի առկայությունը կենտրոնական պաշտպանների դիրքում, բազմազանություն է հաղորդում «Լիվերպուլի» խաղին, քանի որ, գերմանացին ունի լավ առաջին փոխանցում որով էլ ժամանակ առ ժամանակ գրոհի է նետում հարձակման գծի իր թիմակիցներին:

Կիսապաշտպանություն

Անդրադառնալով կիսապաշտպանությանը՝ պետք է նշել Լուկաս Լեյվայի առկայությունը: Տիպիկ հենակետային կիսապաշտպան, ով միտված է առաջին հերթին կասեցնելու մրցակցի գրոհները: Այս խաղում Ֆելիպե Կոուտինյոն գործում էր փոքր ինչ խորքից, ինչը երևում էր, որ Ռոջերսի մտահաղացումն էր: Բայց պետք է նշել, որ այս դիրքում Կոուտինյոն իրեն բավականին հարմարավետ էր զգում, չնայած ենթահարձակվողի դիրքում ավելի արդյունավետ է: Իսկ ահա Ջեյմս Միլները խաղում էր մի փոքր առջևում, բայց կարծում եմ դա ժամանակավոր բնույթ է կրում: Բացի այդ, Միլներն իր արագաշարժությամբ և էներգիայով ի զորու է խաղալ կիսապաշտպանության գրեթե բոլոր գոտիներում:

Milner

Հետաքրքիր է, երբ Հենդերսոնը ապաքինվի վնասվածքից, ապա ու՞մ փոխարեն կխաղա, իսկ նա անպայման կխաղախ քանի որ համարվում է «Լիվերպուլի» և Անգլիայի ազգային հավաքականի ամենահեռանկարային ֆուտբոլիստներից մեկը, և բացի այդ նա թիմի ավագն է: Հնարավոր տարբերակներից մեկն էլ այն է, որ Հենդերսոնը կխաղա Լուկաս Լեյվայի փոխարեն, բայց այդ դեպքում թիմի կազմում կոնկրետ հենակետային կիսապաշտպան չի լինի:

Հարձակման գիծ

«Լիվերպուլի» երկրպագուները երկար ժամանակ է սպասում էին Դանիել Սթարիջի վերադարձին: Անգլիացին վերադարձավ և միանգամից ուրախացրեց երկրպագուներին իր դուբլով: Նրա հետ հարձակման գծում զույգ էր կազմել երիտասարդ Դենի Ինգսը: Մեկը մյուսին լրացնելով՝ այս զույգը բավականին գրագետ և դիտարժան խաղ էր ցուցադրում:

Sturridge

Այսպիսով, Բրենդան Ռոջերսը կարողացավ մաքմիսալ ռացիոնալ կերպով օգտագործել իր թիմում եղած ֆուտբոլիստներին: Կարծում եմ այս մեկնարկային կազմին եթե ավելացնենք Բենտեկեին, Ֆիրմինոյին և Հենդերսոնին, ապա կստացվի իդեալական կոլեկտիվ, որը թեկուզ և անընդհատ փոփոխությունների ենթարկվելով՝ ի զորու կլինի պայքարել միմիայն ամենաբարձր հորիզոնականների և ինչո՞ւ ոչ չեմպիոնության համար: Կարող են լինել կարծիքներ, որ թիմը դեռևս պատրաստ չէ այդպիսի մեծ փորձությունների, բայց հավատացեք այստեղ հավաքված ֆուտբոլիստներից կան բավականին փորձառու և խարիզմատիկ անհատականություններ, ովքեր կարող են իրենց հետևից առաջ տանել թիմին:

Հ.Գ. Ցավալի կլինի, եթե Ռոջերսին այս անգամ արդեն շանս չտան, քանի որ համենայն դեպս այս խաղից երևում էր, որ թիմի խաղում լուրջ փոփոխություններ են տեղի ունեցել` դրական առումով:

Վերլուծությունը՝ Միրո Ալեքսանյանի

Հետաքրքիր փաստեր