Չեմպիոնների Լիգայի վիճակահանությունից հետո կայացավ Եվրոպա Լիգայի փլեյ-օֆֆի առաջին երկու փուլերի վիճակահանությունը: «Տոտտենհեմը» և «Սուոնսին» իմացան իրենց մրցակիցներին:
«Տոտտենհեմը», ով այսօր պաշտոնանկ արեց Անդրե Վիլաշ-Բոաշին, 1/16-րդ եզրափակչում կմրցի ուկրաինական «Դնեպրի» դեմ:
Անգլիայի Լիգայի գավաթակիր «Սուոնսիի» մրցակիցն Չեմպիոնների Լիգայի խմբային փուլից դուրս մնացած «Նապոլին» է: Հաջորդ փուլ դուրս գալու դեպքում «Տոտտենհեմը» կմրցի ՊԱՕԿ – «Բենֆիկա» զույգի հաղթողի, իսկ «Սուոնսին»՝ «Պորտու» – «Այնթրախտ» զույգի հաղթողի հետ:
Եվրոպա Լիգայի 1/16-րդ եզրափակչի առաջին խաղերը տեղի կունենան փետրվարի 20-ին, իսկ պատասխան խաղերը՝ փետրվարի 27-ին:
