Լոնդոնի «Ուեմբլի» մարզադաշտը Եվրոպայի 2020 թվականի առաջնության երկու կիսաեզրափակիչները և եզրափակիչը ընդունելու իրավունք է ստացել:
Ազգային հավաքականների մակարդակով եվրոպական մեծ ֆուտբոլն Անգլիա է վերադառնում 1996թ-ից հետո առաջին անգամ: Այդ որոշումն այսօր կայացրել է ՈՒԵՖԱ-ի ղեկավարությունը: Եզրափակիչ հանդիպումն ընդունելու համար «Ուեմբլիի» հետ պայքարում էր նաև «Բավարիայի» «Ալյանց Արենան»:
Հիշեցնենք, որ ՈՒԵՖԱ-ի նախագահ Միշել Պլատինիի մտահաղացմամբ Եվրո-2020-ի եզրափակիչ փուլը կանցնի Եվրոպայի 13 քաղաքներում, որոնց թվում են նաև Բաքուն և Սանկտ-Պետերբուրգը: