«Վեստ Հեմ Յունայթեդի» գլխավոր մարիչ Սեմ Էլլարդայսը հայտնել է, որ «Բարսելոնայից» վարձակալած կիսապաշտպան Ալեքս Սոնգն իր թիմի համար դարձել է այնպիսի կարևոր ֆուտբոլիստ, ինչպիսին Յայա Տուրեն է «Մանչեսթեր Սիթիի» համար:
Արդեն այսօր լոնդոնցիները դաշտ դուրս կգան Պրեմիեր Լիգայի գործող չեմպիոնների դեմ: Այս պահին Էլլարդայսի թիմը համարվում է «պինդ ընկույնզ»: «Վեստ Հեմն» ընդամենը չորս միավոր է զիջում «Սիթիին», և Սեմը կարծում է, որ դրա մեջ իր մեծ ներդրումն ունի «Արսենալի» նախկին ֆուտբոլիստը:
-Ալեքս Սոնգը մեր համար այն ֆուտբոլիստն է, ինչ որ Յայա Տուրեն է «Սիթիի» համար: Նա բարձրակարգ ֆուտբոլիստ է, ով կապում է բոլոր օղակները: Մենք մի ֆուտբոլիստ ունենք, ով խաղացել է «Բարսելոնայում» և «Արսենալում», ինչպես նաև Չեմպիոնների Լիգայում,- ասել է Էլլարդայսը: Sky Sports
