«Տոտտենհեմը» երկար ժամանակով զրկվեց իր կիսապաշտպան Իվ Բիսումայից, ով վիրահատվում է կոճի վնասվածքի պատճառով։
Հիշեցնենք, որ միայն մեկ օր առաջ հայտնի դարձավ, որ «Տոտտենհեմը» մոտ երկու ամսով կորցրել է իր առաջին համար Ուգո Լյորիսին, ով անցյալ կիրակի «Մանչեսթեր Սիթիի» դեմ խաղում վնասել էր ծնկի կապանները։
Եվ հիմա Բիսուման է հայտնվել «Տոտտենհեմի» հիվանդանոցում, ում մոտ ախտորոշվել է կոճի ճաք։ Իրենց պաշտոնական հաղորդագրության մեջ «շպորները» նշում են, որ Իվը կվիրահատվի ուրբաթ օրը, սակայն ապաքինման ժամկետ չի նշվում։
Ի ուրախություն «Տոտտենհեմի» գլխավոր մարզիչ Անտոնիո Կոնտեի, Բիսուման այնքան էլ լուրջ կորուստ չէ, որքան Լյորիսը: Անցյալ ամառ «Բրայթոնից» տեղափոխվելուց հետո Իվը մասնակցել է Պրեմիեր լիգայի ընդամենը ութ հանդիպման՝ սովորաբար պարտվելով Ռոդրիգո Բենտանկուրին և Պյեռ-Էմիլ Հոյբյերգին:
Այնուամենայնիվ, 26 ամյա մալիացին սխալ ժամանակում վնասվածք ստացավ, քանի որ «Տոտտենհեմը» հաջորդ շաբաթ կխաղա Չեմպիոնների լիգայի փլեյ-օֆֆում: Նաև «շպորները», Պրեմիեր լիգայից բացի, շարունակում է հանդես գալ Անգլիայի գավաթում, և Կոնտեի համար այս հատվածում կազմի խորությունը մեծ նշանակություն ունի։
