«Էթիհադում» Ֆրենկ Լեմպարդի վեցամսյա ելույթների ընթացքում նրա աշխատավարձը կվճարի «Մանչեսթեր Սիթին»:
Այս շաբաթ «քաղաքայինները» պաշտոնապես կհաստատեն «Նյու-Յորք Սիթիի» 36-ամյա կիսապաշտպանի տրանսֆերը: Մինչև ՄԼՍ-ի հաջորդ մրցաշրջանի մեկնարկը Լեմպարդը կխաղա Մանուել Պելեգրինիի թիմում:
Սակայն մինչ այժմ հայտնի չէր, թե շեյխ Մանսուրի որ ակումբը կվճարի Ֆրենկի աշխատավարձը: Իմանալով ֆինանսական ֆեյր-փլեյի հետ կապված «Սիթիի» խնդիրների մասին՝ «Արսենալի» գլխավոր մարզիչ Արսեն Վենգերը կարծիք էր հայտնել, որ Լեմպարդի աշխատավարձի վճարում կարող է մնալ ամերիկյան ակումբի վրա:
Սակայն, ինչպես հաղորդում է BBC-ն, «Չելսիի» նախկին ֆուտբոլիստի աշխատավարձը կվճարի «Մանչեսթեր Սիթին»:
