Պրեմիեր Լիգայի 34-րդ տուրում «Լեսթեր Սիթին» հյուրընկալել էր 6-րդ հորիզոնականում գտնվող «Վեստ Հեմ Յունայթեդին»։
Իր վերջին 5 խաղերում հաղթանակ տարած «Լեսթերը» միավոր կորցրեց այս խաղում։ Առաջին խաղակեսում հաշիվը բացեց «աղվեսների» լավագույն ռմբարկու Ջեյմի Վարդին, ով աչքի ընկավ նաև երկրորդ խաղակեսում, սակայն արդեն կարմիր քարտով։ Թվային առավելություն ստացած հյուրերը կարողացան երկու գոլ խփել և 1 միավոր վաստակել։ 84-րդ րոպեին 11 մետրանոցն անվրեպ իրացրեց Էնդի Քերոլը, ով նախորդ տուրում հեթ-տրիկի հեղինակ էր դարձել, իսկ 2 րոպե հետո Աարոն Կրեսուելը առաջ մղեց իր թիմին։ Ավելացրած ժամանակում էլ 11 մետրանոցից չվրիպեց Լեոնարդո Ուլոան։
Այս հանդիպումից հետո Կլաուդիո Ռանիերիի թիմը՝ վաստակած 73 միավորով կշարունակի պահպանել առաջին հորիզոնականը։
Գոլեր․ Վարդի՝ 18ր, Քերոլ՝ 84ր (11մ), Կրեսուել՝ 86ր, Ուլոա՝ 90ր (11մ)
Հեռացում․ Վարդի՝ 56ր։
