«Լիվերպուլը» պաշտոնապես հայտնել է իր պաշտպան Ջոն Ֆլանագանի և վինգեր Ջորդան Այբի հետ նոր պայմանագրերի ստորագրման մասին:
22-ամյա Ֆլանագանը ծնկի վնասվածքի պատճառով այս մրցաշրջանում չի մասնակցել ոչ մի խաղի, սակայն «կարմիրների» գլխավոր մարզիչ Բրենդան Ռոջերսը շարունակում է մեծ հույսեր կապել տաղանդավոր պաշտպանի հետ:
Ֆլանագանին թիմում պահելու Ռոջերսի ցանկությունն ամրագրվեց նրա պայմանագրի երկարացմամբ: Ջոնի վերադարձը սպասվում է 6-ից 9 ամսում:
Նոր պայմանագիր է ստացել նաև 19-ամյա Այբը, ով այս մրցաշրջանում վարձակալությունից վերադարձավ «Էնֆիլդ»: Ջորդանն ակումբի առաջին թիմում մասնակցել է արդեն 13 խաղի:
Լուրերի համաձայն, նոր պայմանագրով Այբի աշխատավարձն ավելացել է շաբաթականա 35 հզր ֆունտով: Բանակցությունները շատ արագ են ընթացել, քանի որ Ջորդանը չունի գործակալ: