«Զենիթը» պաշտոնապես հայտնել է «Մանչեսթեր Սիթիի» կիսապաշտպան Խավի Գարսիային գնելու մասին: Իսպանացի ֆուտբոլիստի համար ռուսական ակումբը «քաղաքայիններին» վճարել է 12 մլն ֆունտ:
Չնայած որ 27-ամյա իսպանացին հաջող անցկացրեց նախորդ մրցաշրջանի երկրորդ հատվածը, սակայն Ֆերնանդինյոյի «Սիթի» տեղափոխությունը խաչ քաշեց «Էթիհադում» Գարսիայի ապագայի վրա:
Խավին այսօր հինգ տարվա պայմանագիր է ստորագրել «Զենիթի» հետ: Ավելացնենք, որ Գարսիան «Սիթիում» էր վերջին երկու տարիների ընթացքում: Այդ ընթացքում նա հաղթել է Պրեմիեր Լիգան և Լիգայի գավաթը: