«ՊՍՎ»-ն հայտարարել է, որ համաձայնության է եկել «Լիվերպուլի» հետ՝ իրենց վինգեր Կոդի Գակպոյի տեղափոխության հարցում։
Առայժմ Գակպոյի գլխավոր հավակնորդը եղել է «Մանչեսթեր Յունայթեդը», որը անցյալ ամառ մտածում էր Կոդիին գնելու մասին և այժմ փոխարինող է փնտրում Կրիշտիանու Ռոնալդուին:
Սակայն այժմ հայտնի է դարձել, որ «Լիվերպուլն» արդեն պայմանավորվել է «ՊՍՎ»-ի հետ Կոդիի համար 37 միլիոն ֆունտ ստերլինգ գումարած բոնուսների փոխհատուցման շուրջ։
Այժմ 23 ամյա հոլանդացին մեկնում է Անգլիա՝ բուժզննում անցնելու և մերսիսայդյան ակումբի հետ անձնական պայմանագրի պայմանները քննարկելու։
Ընթացիկ մրցաշրջանում ակումբի և երկրի կազմում խփած 35 գոլերով Գակպոյին հրավիրում են Լուիս Դիասի և Դիոգու Ժոտայի վնասվածքների պատճառով:
