«Քուինս Պարկ Ռեյնջերսի» գլխավոր մարզիչ Հարի Ռեդնապը կարծում է, որ Լուի վան Գալն անգամ իր ամբողջ տաղանդով չի կարող «Յունայթեդի» ղեկին իր առաջին մրցաշրջանում հաղթել Պրեմիեր Լիգան:
Ռեդնապի կարծիքով, «կարմիր սատանաներին» լուրջ թարմացում է անհրաժեշտ, որպեսզի վերադառնան նախկին մակարդակին:
-Վան Գալը հիանալի մարզիչ է, սակայն նրան ֆուտբոլիստներ են անհրաժեշտ: Նա պետք է նվազագույնը 4-5 ֆուտբոլիստներ հրավիրի, որպեսզի թիմը բերի այն մակարդակին, որում գտնվում էր Սէր Ալեքսի ժամանակ: Երևում է, որ այժմ նրանք պատրաստ չեն դրան:
Այս պահին ես նրանց չեմ համարում չեմպիոնական մրցավազքի մասնակից: Չեմ պատկերացնում, որ նրանք կարող են հաջորդ մրցաշրջանում չեմպիոն դառնալ: «Յունայթեդին» այնքան ուժեղ չեմ համարում, ինչքան որ «Չելսին» կամ «Մանչեսթեր Սիթին» է: Կցանկանայի տեսնել «Լիվերպուլի» ևս մեկ փայլուն մրցաշրջան, սակայն նրանք կորցրեցին անհավանական ֆուտբոլիստի, ում անհնար է փոխարինել,- ասել է Ռեդնապը: talkSPORT
