«Չելսին» համաձայնության է եկել «Լիոնի» աջ պաշտպան Մալո Գուստոյին ձեռք բերելու հարցում:
Անցյալ հինգշաբթի «Լիոնի» նախագահ Ժան-Միշել Օլյասը Twitter-ում հայտարարեց, որ Գուստոն հունվարին չի հեռանա ակումբից:
Օլյասը հավատարիմ մնաց իր խոսքին՝ «Լիոնը» Մալոյին վաճառում է «Չելսիին», բայց 19 ամյա ֆրանսիացուն անմիջապես վարձավճարով վերցնում է մինչև մրցաշրջանի ավարտը։
Ինչպես հայտնում է Sky Sports-ը, Գուստոն «կապույտների» համար կարժենա 26,3 մլն ֆունտ՝ գումարած բոնուսներ: Հաջորդ մրցաշրջանից Մալոն խաղային րոպեների համար կպայքարի Ռիս Ջեյմսի հետ։
Իրականում «Չելսին» կնախընտրեր ձեռք բերել Գուստոյին հիմա, բայց լավն այն է, որ «ազնվականները» առաջ են անցնում մրցակիցներից՝ խուսափելով այլ ակումբների մրցակցությունից և խոստումնալից խաղացողին ձեռք են բերում ողջամիտ գնով:
