«Մանչեսթեր Սիթին» համաձայնության է եկել «Պորտուի» պաշտպան Էլյակիմ Մանգալայի տրանսֆերի հարցում:
Պրեմիեր Լիգայի չեմպիոնը վաղուց էր համաձայնվել Պորտուգալիայի չեմպիոնի հետ 23-ամյա ֆրանսիացու տրանսֆերը 40 մլն եվրոյով (31.8 մլն ֆունտ) գնելու հարցում, սակայն անձամբ Էլյակիմը չէր տվել իր պատասխանը:
Ինչպես հաղորդում է Goal-ը, այժմ Մանգալան տվել է «Սիթի» տեղափոխվելու իր համաձայնությունը: Սպասվում է, որ գործարքն ավարտին կհասնի, երբ ֆուտբոլիստը վերադառնա հանգստից:
Նոր մրցաշրջանում Մանգալան կդառնա պաշտպանության կենտրոնում «քաղաքայինների» ավագ Վենսան Կոմպանիի խաղընկերը: Էլյակիմին գնելուց հետո «Սիթիի» տրանսֆերները կավարտվեն, քանի որ ֆինանսական ֆեյր-փլեյը խախտելու պատճառով ՖԻՖԱ-ն նրանց թույլատրել է առավելագույնը 49 մլն ֆունտի գործարք: