«Մանչեսթեր Յունայթեդի» գլխավոր մարզիչ Էրիկ Տեն Հագը ծրագրում է ամառային տրանսֆերային պատուհանի ընթացքում ազատվել առնվազն հինգ խաղացողից:
«Յունայթեդը» անցած ամառ ընդամենը երկու վաճառք կատարելով՝ ստորագրելց հինգ նորեկի, և Տեն Հագը ցանկանում է, որ իր ակումբն այսուհետ ավելի կտրուկ լինի բաժանումների հարցում:
Ինչպես հայտնում է Manchester Evening News-ը, ամռանը «կարմիր սատանաները» բաց կթողնեն Հարի Մագուայռին, Բրենդոն Ուիլյամսին, Ալեքս Տելեսին, Անտոնի Մարսյալին և Էրիկ Բայիին, եթե նա վարձակալության սեզոնից հետո չանցկացնի անհրաժեշտ քանակությամբ խաղեր «Մարսելի» ավտոմատ գնման համար:
«Յունայթեդը» կարող է նաև բաց լինել Դին Հենդերսոնի, Ջեյդոն Սանչոյի և Սկոտ Մակտոմինեյի վերաբերյալ առաջարկների համար, թեև Տեն Հագը ներկայումս չի պատրաստվում ազատվել վերջինից:
Բացի այդ, այս մրցաշրջանի վերջում «Յունայթեդու» լրանում է նաև Ֆիլ Ջոնսի և Դավիդ Դե Խեայի պայմանագրերը։ Իսկ եթե առաջինը ապագա չունի Օլդ Թրաֆորդում և անպայման կհեռանա ակումբից, ապա երկրորդը պետք է համաձայնի աշխատավարձի զգալի կրճատմանը, որպեսզի մնա:
