Պրեմիեր Լիգայի 36-րդ տուրում գործող չեմպիոն «Մանչեսթեր Յունայթեդն» իր առաջին պաշտոնական խաղն անցկացրեց Ռայան Գիգգսի գլխավորությամբ: «Մանկունյանցիները» հյուրընկալել էին «Նորվիչ Սիթիին»:
«Յունայթեդի» լեգենդար ֆուտբոլիստի նորամուտն իր հարազատ ակումբի գլխավոր մարզչի պաշտոնում հաջող ստացվեց: «Կարմիր սատանաները» սեփական հարկի տակ ջախջախեցին «Նորվիչին»: Դուբլի հեղինակ դարձան Ուեյն Ռունին և Խուան Մատան:
«Յունայթեդը» հաղթեց 4:0 հաշվով և վաստակած 60 միավորով կշարունակի զբաղեցնել 7-րդ հորիզոնականը:
Գոլեր. Ռունի՝ 41ր, 48, Մատա՝ 64ր, 73ր:
