«Մանչեսթեր Սիթին» ցանկանում է պաշտպանությունում առաջացած խնդիրները լուծել «Սենտ-Էտիենի» 19-ամյա ֆուտբոլիստ Կուրտ Զումայի միջոցով:
Ինչպես հաղորդում է Goal-ը, «Սիթիի» գործադիր տնօրեն Ֆերրան Սորիանոն և Չիկի Բեգիրիստայնը ֆրանսիացի հրաշամանուկի մեծ երկրպագուներն են և հուսով են, որ հունվարին կկարողանան գնել Զումայի տրանսֆերային իրավունքները: «Սիթին» արդեն սկսել է բանակցությունները ֆրանսիական ակումբի հետ:
Ընթացիկ մրցաշրջանում քաղաքայինները լուրջ խնդիրներ ունեն պաշտպանության կենտրոնում: Թիմի ավագ Վենսան Կոմպանին վնասվածքների պատճառող վաղուց չի կարողանում դաշտ դուրս գալ: Առողջական խնդիրներ ունեն նաև Միկա Ռիչարդսը, Մատիյա Նաստասիչը և Մարտին Դեմիկելիսը, իսկ Ջոլեոն Լեսկոտին գլխավոր մարզիչը չի վստահում:
Զուման, ում տրանսֆերային արժեքը գնահատվում է 10 մլն ֆունտ, «Սենտ-Էտիենում» նորամուտը նշել է 16 տարեկան հասակում և այդ պահից մասնակցել է ավելի քան 50 հանդիպման: Կուրտը նաև Ֆրանսիայի մինչև 21 տարեկանների հավաքականի ֆուտբոլիստ է:
