Պրեմիեր Լիգայի 12-րդ տուրի կենտրոնական հանդիպումներից 2-րդը տեղի կունենա Մանչեսթեր քաղաքի «Էթիհադ» մարզադաշտում: «Քաղաքայինները» կհյուրընկալեն մայրաքաղաքը ներկայացնող «Տոտտենհեմին»:
Այս դիմակայության հետաքրքրությունը մեծացել է հատկապես վերջին տարիներին, քանի որ և՛ «Սիթին», և՛ «Տոտտենհեմն» ընդամենը կես տասնամյակ առաջ են վերադրաձել Պրեմիեր Լիգայի առաջատարների շարք: Եթե այդ վերադարձը «քաղաքայինների» համար նշանավորվեց չեմպիոնությամբ, ապա «Տոտտենհեմի» համար լավագույն արդյունքը եղավ Չեմպիոնների Լիգայի մասնակցության ուղեգիրը:
Մրցաշրջանի մեկնարկից առաջ չեմպիոնական մրցավազքում ֆավորտներից համարվող «Սիթին» այս պահին ընդամենը 9-րդն է: Նախորդ տուրի գլխավոր անակնկալը գրանցվեց հենց «Սիթիի» մասնակցությամբ: Մանուել Պելեգրինիի սաները պարտվեցին առաջնության ետնապահ «Սանդերլենդին»:
Թեև «Տոտտենհեմը» երկրորդ տեղում գտնվող «Լիվերպուլից» հետ է 4 միավորով և 1 խաղ էլ պակաս է խաղացել, սակայն այս թիմի հարձակման գիծը առաջնությունում լավագույններից չէ: Վիլաշ Բոաշի թիմը 11 տուրում խփել է ընդամենը 9 գնդակ՝ այն դեպքում, երբ իր այսօրվա մրցակից «Մանչեսթեր Սիթիի» ֆուտբոլիստները դարձել են 28 գոլի հեղինակ:
Ընդհանուր առմամբ այս թիմերը միմյանց դեմ դաշտ են դուրս եկել 145 անգամ և առավելությունը լոնդոնցիների կողմ է: «Տոտտենհեմը» հաղթել 57 խաղում, 34 անգամ գրանցվել է խաղաղ ելք, իսկ 54 խաղում հաղթել են մանչեսթերցիները:
Խաղը տեղի կունենա այսօր, Երևանի ժամանակով 17:30-ին:
Մեր կանխատեսումը՝ 2:1:
