«Էվերթոնի» գլխավոր մարզիչ Ռոբերտո Մարտինեսը գովեստի խոսքեր է ասել Ռոս Բարքլիի հասցիեն, ով «Սուոնսիի» դեմ խաղում հաղթանակ պարգևեց մերսիսայդցիներին՝ 1:2:
Ուելսում հասած հաջողությունից հետո «Էվերթոնն» իր անպարտելիության շարքը հասցրեց 10-ի, իսկ առաջատար «Լիվերպուլի» հետ միավորների տարբերությունը՝ 2-ի:
-Մենք շատ երիտասարդ ֆուտբոլիստներ ունենք: Ռոս, Սթոունս, Մակարտի, Լուկակու, Կոուլմեն… Ինձ ամենից շատ ուրախացնում է այն, որ յուրաքանչյուրը պատրաստ է ամբողջ ուժերը ներդնել թիմի համար:
Ռոսը խաղից խաղ աճում է: Նա անգլիական ֆուտբոլի ադամանդն է: Տուգանային հարվածն ուղղակի մի օրինակ է, թե նա ինչի է ընդունակ:
Բարքլին տաղանդավոր ֆուտբոլիստ է, ով ընդունակ է խաղալ ցանկացած դիրքում: Մենք չգիտեինք տուգանայիններն իրացնելու նրա տաղանդի մասին,- ասել է Մարտինեսը: Sky Sports
