«Լիվերպուլը» պաշտոնապես հայտնել է Անգլիայի ազգային հավաքականի և «Սաութհեմպտոնի» աջ պաշտպան Նաթանիել Քլայնին գնելու մասին:
Գործարքի արժեքը գնահատվում է 12,5 մլն ֆունտ: «Կարմիրների» պաշտոնական հաղորդագրության մեջ ասվում է, որ ակումբը երկարաժամկետ պայմանագիր է ստորագրել 24-ամյա անգլիացու հետ, ով դարձավ այս ամառվա ընթացքում մերսիսայցիների վեցերորդ նորեկը: Քլայնը երեք մրցաշրջանների ընթացքում մասնակցել է Պրեմիեր Լիգայի 94 հանդիպման:
-Ես շատ ուրախ եմ «Լիվերպուլ» տեղափոխվելու համար: Ես խաղացել եմ «Էնֆիլդում» և գիտեմ, թե ինչպիսի մթնոլորտ է այստեղ: Երկրպագուների աջակցությունը պարզապես ֆանտաստիկ է: Անհամբերությամբ սպասում եմ մրցաշրջանի մեկնարկին,- ասել է Քլայնը: