Ինչպես հայտնի է դառնում The Telegraph պարբերականից, «Չելսին» «Նապոլիի» հարձակվող Գոնսալո Իգուայինի համար 50 մլն ֆունտ է առաջարկել և մերժում է ստացել:
«Ազնվականների» գլխավոր մարզիչ Ժոզե Մոուրինյոն շատ լավ է ճանաչում Իգուայինին, ում հետ աշխատել է Մադրիդի «Ռեալում»: Հենց Իգուայինի միջոցով է «Չելսին» ցանկանում լուծել հարձակման գծում եղած խնդիրները:
«Ռեալից» «Նապոլի» տեղափոխվելուց հետո Գոնսալոն 16 խաղում դարձել է 9 գոլի հեղինակ: «Չելսիի» սեփականատեր Ռոման Աբրամովիչը Իգուայինին գնելու հարցում աջակցել է Մոուրինյոյին, սակայն նրանց առաջին փորձն անհաջող է ստացվել:
