ՈւԵՖԱ-ն պատրաստվում է փոխել Ֆինանսական ֆեյր-փլեյի կանոնները «Չելսիի» տրանսֆերային քաղաքականության պատճառով:
«Չելսին» այս ամիս վեց ձեռքբերում է կատարել, այդ թվում՝ վինգեր Միխայիլո Մուդրիկին «Շախտյորից» 89 միլիոն ֆունտ ստեռլինգով:
Միևնույն ժամանակ, Մուդրիկը «Չելսիի» հետ պայմանագիր է կնքել մինչև 8 ու կես տարով՝ մինչև 2031 թվականը։ «Կապույտների» մյուս նորեկները՝ պաշտպան Բենուա Բադիաշկին և եզրային Նոնի Մադուեկեն, համապատասխանաբար վեց ու կես և յոթ ու կես տարվա պայմանագիր են կնքել:
Սա «Չելսիին» հնարավորություն տվեց իր ֆինանսական հաշվետվություններում յուրաքանչյուր տրանսֆերի արժեքը բաշխել պայմանագրի ողջ տևողության վրա: Օրինակ, Մուդրիկի դեպքում դա տարեկան 11 մլն ֆունտ է։
Ինչպես հաղորդում է BBC-ն, ՈՒԵՖԱ-ն լոնդոնյան ակումբի այս պահվածքը ընդունել է որպես ՖՖՓ-ի կանոնները շրջանցելու փորձ և այժմ պատրաստվում է փակել այդ թերացումը։
Մեծ Բրիտանիայի օրենսդրության համաձայն՝ Պրեմիեր լիգայի ակումբները դեռևս կկարողանան պայմանագիր կնքել ավելի երկար ժամկետներով, սակայն տրանսֆերային արժեքը կարող է բաշխվել միայն առաջին հինգ տարիների ընթացքում:
Այս փոփոխություններն ուժի մեջ կմտնեն հաջորդ տարվա ամռվանից։
