«Բարսելոնայի» կիսապաշտպան Չավին վստահ է, որ իր թիմակից Լիոնել Մեսսին ավելի մեծ հաջողությունների կհասներ, եթե խաղար Պրեմիեր Լիգայում:
«Բարսելոնայում» հանդես գալով՝ Մեսսին դարձավ բոլոր ժամանակների լավագույն ֆուտբոլիստներից մեկը: Շատերն են կասկածում, արդյոք արգենտինացին նույնքան հաջողակ կլիներ, եթե խաղար այլ ակումբում կամ այլ առաջնությունում: Սակայն նրանց կարծիքը չի կիսում Չավին:
-Կարծում եմ՝ Պրեմիեր Լիգայում նա ավելի լավ կխաղար, քանի որ այնտեղ մեծ ուշադրություն չեն դարձնում պաշտպանության վրա:
Անգլիական ակումբները «Բարսելոնայի» դեմ խաղալիս գործնականում կիրառում են մեկը մեկի դեմ տակտիկան, ինչը նրանցից մեծ էներգիա է պահանջում: Սակայն անգամ այդ դեպքում Լեոն ավելի մեծ տարածություն է ունենում, քան Լա Լիգայում,- BBC-ին հայտնել է Չավին: