«Չելսիի» նախկին տնօրեն Մարինա Գրանովսկայան լոնդոնյան ակումբից հեռացել է 36 միլիոն ֆունտ ստերլինգ փոխհատուցմամբ։
Անցյալ տարվա մայիսին Ռոման Աբրամովիչից գնելով «Չելսին»՝ Թոդ Բելին շտապեց ազատվել Գրանովսկայից, և Բրյուս Բաքից՝ ակումբի նախագահից։
Ինչպես նշում է Daily Mirror-ը, հեռացած տնօրեններին ընդհանուր փոխհատուցումը կազմել է 49,75 մլն ֆունտ, իսկ այդ գումարի առյուծի բաժինը՝ 36 մլն ֆունտ, բաժին է ընկել Գրանովսկային։
«Չելսին» Մարինային նման տպավորիչ փոխհատուցման վճարումը բացատրում է որպես «ակումբի վաճառքի հետ կապված ծառայություններ»։
Նաև 2021/22 մրցաշրջանի «Չելսիի» ֆինանսական տվյալները ցույց են տալիս 235 միլիոն ֆունտ ստեռլինգի կորուստ, ինչը «կապույտներին» դարձնում է առաջին ակումբը, որը Պրեմիեր լիգայի ժամանակաշրջանում ընդհանուր կորուստ է ունեցել ավելի քան 1 միլիարդ ֆունտ ստեռլինգով:
