«Չելսին» նոր պայմանագիր է առաջարկել իր կիսապաշտպան Ժորժինյոյին։
Ժորժինյոն «Չելսիում» հանդես է գալիս 2018 թվականից, սակայն նրա գործող պայմանագիրն ավարտվում է այս մրցաշրջանի վերջում։
Չնայած «Վեստ Հեմի» ֆուտբոլիստ Դեքլան Ռայսի և «Բենֆիկայի» ֆուտբոլիստ Էնցո Ֆերնանդեսի նկատմամբ հետաքրքրությանը, «Չելսին» չի ցանկանում կորցնել Ժորժինյոյին: «Ազնվականները» այս պահին սպասում են 31 ամյա իտալացու պատասխանին:
«Ժորժինյոյի պայմանագրի ժամկետը լրանում է հունիսի 30-ին, և մենք երկարաձգման առաջարկ ենք ստացել: «Չելսին» մեր ցուցակում առաջին տեղում է»:
«Ինչ վերաբերում է «Նապոլիին», ապա մենք ուրախ կլինենք, որ նրանք հետաքրքրված լինենք, բայց «Նապոլին» այս պահին մեզ հետ չի կապվել», – գործակալ Ժոաու Սանտուշի խոսքերն է մեջբերում Evening Standard-ը։
