«Չելսին» պաշտոնապես հայտարարել է «Շախտյորի» և Ուկրաինայի հավաքականի վինգեր Միխայիլ Մուդրիկին գնելու մասին։
Այս ձմռան սկզբին «Արսենալը» երեք առաջարկ արեց 22 ամյա Մուդրիկի համար, սակայն «զինագործները» չկարողացան պայքարել «Չելսիի» հետ, որը համաձայնվեց Միխայիլի համար վճարել 100 միլիոն եվրո, այդ թվում՝ 70 միլիոն եվրո (62 միլիոն ֆունտ), որպես երաշխավորված գումար և բոնուսներ:
Ինքը՝ Մուդրիկը, կիրակի առավոտյան բուժզննում է անցել Լոնդոնում, որից հետո ութուկես տարով պայմանագիր է կնքել «Չելսիի» հետ՝ մինչև 2031 թվականի հունիսը։
Ընթացիկ մրցաշրջանում Մուդրիկը Ուկրաինայի առաջնության 12 խաղում դարձել է 7 գոլի և 7 գոլային փոխանցման հեղինակ։ Միխայիլը երեք անգամ գոլի հեղինակ է դարձել նաև Չեմպիոնների լիգայում։
«Ես շատ ոգևորված եմ «Չելսիին» միանալու համար: Դա հսկայական ակումբ է, հիանալի առաջնությունում և ինձ համար շատ հետաքրքիր նախագիծ իմ կարիերայի այս փուլում: Ես անհամբեր սպասում եմ իմ նոր թիմակիցների հետ հանդիպմանը և չեմ կարող սպասել, թե երբ եմ սկսելու աշխատել և սովորելով Գրեհեմ Փոթերից և նրա շտաբից»,- ասել է Մուդրիկը։
