«Նապոլիի» հարձակվող Էդինսոն Կավանիի համար պայքարում անհաջողությունը «Չելսիի» գլխավոր մարզիչ Ժոզե Մոուրինյոյին կարող է ստիպել ուշադրություն դարձնել «Աստոն Վիլլայի» հարձակվող Կրիստիան Բենտեկի վրա:
Ակնհայտ է, որ այս ամառ «կապույտները» փորձում են ուժեղացնել հարձակման գիծը, սակայն ո՛չ Ռոբերտ Լևանդովսկիին, ո՛չ Ռադամել Ֆալկաոյին չհաջովեց ձեռք բերել: Ամենայն հավանականությամբ, «Չելսին» բաց կթողնի նաև Կավանիին, ով կիսով չափ արդեն «ՊՍԺ»-ում է:
Համաձայն Goal-ի, ստեղծված իրավիճակը «Չելսիին» ստիպում է իր ուշադրությունն ուղղել 22-ամյա Բենտեկի կողմը, ով Անգլիայի Պրեմիեր Լիգայում մեկնարկելուց հետո 19 գոլ է հեղինակել: Մամուլում շրջանառվող լուրերի համաձայն, Դեմբա Բայի հեռանալը կարող է Կրիստիանի համար խաղային ավելի շատ ժամանակ երաշխավորել, քանի որ Մոուրինյոյի հարձակման գծում մրցակցությունն այնքան էլ մեծ չէ:
