«Մանչեսթեր Սիթիի» դարպասապահ Կոստել Պանտիլիմոնը հայտնել է, որ Անգլիայի գավաթի եզրափակչից հետո պատրաստվում է հեռանալ ակումբից:
26-ամյա ռումինացին մասնակցել է ընթացիկ Անգլիայի գավաթի բոլոր խաղերին «Սիթիի» կազմում, և «քաղաքայինների» գլխավոր մարզիչ Ռոբերտո Մանչինին խոստացել է, որ նա կմասնակցի նաև եզրափակչին:
-Լավ է, որ ես կկարողանամ խաղալ: Դա կարևոր խաղ է լինելու ոչ միայն ինձ համար, այլև թիմի: Դա հանդիպում է տիտղոսի համար, և յուրաքանչյուրն էլ ցանկանում է նվաճել այն:
Երջանիկ եմ «Սիթիում», սակայն նորմալ է, որ ես ցանկանում եմ խաղալ: Դեռ շատ երիտասարդ եմ: Տեխնիկական անձնակազմն ու բոլորն էլ գիտեն, որ ցանկանում եմ հեռանալ մրցաշրջանի ավարտից հետո: Սակայն բոլոր բանակցությունները կընթանան միայն մրցաշրջանի ավարտից հետո:
Չգիտեմ՝ շաբաթ օրը կայանալիք խաղը կլինի իմ վերջին հանդիպումն ակումբի կազմում, թե ոչ: Դա կախված է այն բանից, թե հետո ինչ կլինի: Միայն վստահ եմ, որ ցանկանում եմ հաղթել, և այդպես ավելի լավ կլինի ինձ համար: Երիտասարդ եմ: Ես 35 տարեկան չեմ, չեմ սպասում կարիերաս ավարտելուն,- հայտնել է Պանտիլիմոնը: The Sun
