«Չելսիի» վինգեր Քրիստիան Պուլիշիչը վնասվածք է ստացել ԱՄՆ-ի հավաքականում:
Ավելի վաղ ուրբաթ օրը ԱՄՆ-ի հավաքականը Դյուսելդորֆում Ճապոնիայի հետ ընկերական խաղում պարտվեց 2։0 հաշվով։ Սպասվում էր, որ Պուլիշիչը որպես ավագ կսկսի մեկնարկային կազմում իր ազգային հավաքականում:
Սակայն Քրիստիանը նույնիսկ փոխարինողների թվում չէր։ Ինչպես հաղորդում է Evening Standard-ը, ամերիկացի գլխավոր մարզիչ Գրեգ Բերհալտերը հաստատել է, որ 24-ամյա խաղացողը վնասվածք է ստացել մարզման ժամանակ։
Այնուամենայնիվ, Բերհալտերը չի հստակեցրել վնասվածքի բնույթը, ինչպես նաև չի նշել, թե արդյոք Պուլիշիչը կկարողանա խաղալ հաջորդ երեքշաբթի Մուրսիայում կայանալիք Սաուդյան Արաբիայի դեմ:
Վնասվածքը շատ վատ պահին եկավ Պուլիշիչի համար, ով հավանաբար հույս ուներ տպավորություն թողնել «Չելսիի» նոր մարզիչ Գրեհեմ Փոթերի վրա:
