«Չելսիի» եզրային հարձակվող Քրիստիան Պուլիշիչը բանակցություններ է վարում «Յուվենտուս» տեղափոխվելու համար:
Պուլիշիչը չի թաքցրել իր հիասթափությունը Թոմաս Տուխելի օրոք պրակտիկայի քանակից, և դեռ պետք է պարզել, թե արդյոք դա կփոխվի, երբ Գրեհեմ Փոթերը գլխավորի «Չելսին»:
Calciomercato-ի տեղեկություններով՝ Պուլիշիչը մտադիր է հեռանալ՝ չնայած լոնդոնյան ակումբում գլխավոր մարզչի փոփոխությանը: Քրիստիանը շատ չի խաղացել Սթեմֆորդ Բրիջում անցկացրած չորս մրցաշրջանների ընթացքում և այժմ պատրաստ է մեծ քայլ կատարել իր կարիերայում:
Նշվում է, որ «Յուվենտուսն» ու Պուլիշիչն արդեն բանակցություններ են վարում, և Քրիստիանը ցանկություն է հայտնել տեղափոխվել Իտալիա:
Այնուամենայնիվ, «Յուվենտուսին» կպահանջվի 31 մլն ֆունտ ստերլինգ՝ 24-ամյա ամերիկացի ֆուտբոլիստին ձեռք բերելու համար: Արդյոք իտալական գրանդը պատրաստ է այդքան գումար ծախսել, դեռ պարզ չէ։
