«ՊՍԺ»-ի սեփականատերերը՝ Qatar Sports Investments-ը, բանակցություններ են սկսել «Տոտտենհեմի» բաժնետոմսերը գնելու նպատակով:
«ՊՍԺ»-ի և QSI-ի նախագահ Նասեր Ալ-Խելաիֆին անցած շաբաթ հանդիպում է ունեցել «Տոտտենհեմի» իր գործընկեր Դանիել Լևիի հետ, հաղորդում է CBS Sports-ը:
Այս հանդիպումը կրում էր ներածական բնույթ, և թեև բանակցությունները վաղ փուլում են, այնուամենայնիվ, Քաթարից ներդրողների մտադրությունները բավականին լուրջ են։
Արդեն ունենալով պորտուգալական «Բրագայի» 23%-ը՝ QSI-ն ձգտում է բաժնետոմսեր ձեռք բերել մեկ այլ եվրոպական ակումբում և դիտարկում է Պրեմիեր լիգայի այլ ներդրումներ, բացի «Տոտտենհեմից»:
Միևնույն ժամանակ, ինչպես նշվում է, QSI-ն կապի մեջ չի եղել «Լիվերպուլի» հետ, որի սեփականատերերը նոյեմբերին հայտնել էին ակումբը ամբողջությամբ կամ մասնակի վաճառելու իրենց ցանկության մասին։
Բացի այդ, QSI-ն չի կարող ուղղակիորեն գնել «Տոտտենհեմը», քանի որ ՈՒԵՖԱ-ի կանոններն արգելում են նույն սեփականատիրոջ երկու կամ ավելի ակումբների մասնակցությունը Չեմպիոնների լիգային:
