Հետևելով Հարի Ռեդնապին՝ «Քուինս Պարկ Ռեյնջերսում» մնալու ցանկություն է հայտնել կիսապաշտպան Ջերմեյն Ջենասը:
Հունվարին «Տոտտենհեմից» տեղափոխվելուց հետո «ՔՊՌ»-ի գործերը եթե ինչ-որ չափով լավացան, ապա շատ քիչ: Մրցաշրջանի ավարտից 6 տուր առաջ «ռեյնջերներին» 7 միավոր է բաժանում 17-րդ հորիզոնականում գտնվող «Սանդերլենդից»:
Այնուամենայնիվ, Ջենասը չի պատրաստվում հանձնվել և մտադիր է ամեն ինչ անել թիմին Պրեմիեր Լիգայում պահելու համար: Եթե անգամ «ՔՊՌ»-ն դուրս մնա Պրեմիր Լիգայից, Ջենասը չի լքի «ռեյնջերներին»:
-Յուրաքանչյուր ֆուտբոլիստ ցանկանում է հանդես գալ Պրեմիեր Լիգայում, սակայն ես երջանիկ եմ «ՔՊՌ»-ում: Ակումբը և երկրպագուներն ինձ լավ ընդունեցին,- London Evening Standard-ին տված հարցազրույցում ասել է Ջենասը:
31-ամյա Ջենասը նաև ցանկություն է հայտնել վերադառնալ Անգլիայի հավաքական, որտեղ նա հանդես է եկել 2009թ-ին:
-Քանի դեռ ես լավ մարզավիճակում եմ և բավարար մակարդակով ֆուտբոլ եմ խաղում, կցանկանայի, որ մարզիչը ինձ հրավիրեր,- ավելացրել է Ջենասը: