«Ստոկ Սիթիի» հարձակվող Կամերոն Ջերոմը բուքմեյքերական գրասենյակում խաղադրույք կատարելու համար տուգանվել է 50 հզր ֆունտի չափով:
Հիշեցնենք, որ ֆուտբոլային ասոցիացիան վերջերս է արգելել պրոֆեսիոնալ ֆուտբոլիստներին խաղադրույքներ կատարել որևէ խաղի վրա: Այսպիսով, հունիսին «Տոտտենհեմի» կիսապաշտպան Անդրոս Թաունսենդը որակազրկվեց 4 ամսով և տուգանվեց 18 հզր ֆուտնով:
Այս անգամ պատիժն ավելի խիստ է: Ֆուտբոլային ասոցիացիայի անկախ խորհուրդը տեղեկացել է, որ Ջերոմը մի քանի անգամ զգուշացվել է նման խաղադրույքներ կատարելու համար: Չնայած այն բանի, որ ֆուտբոլիստն ընդունել է իր մեղքը, որոշվել է նրան տուգանել զգալի մեծ գումարի չափով` 50 հզր ֆունտով:
Հավելենք, որ Ջերոմը խաղադրույքներ չի կատարել իր թիմի մասնակցությամբ խաղերի վրա:
