«Նապոլիի» գլխավոր մարզիչ Ռաֆայել Բենիտեսը վստահ է, որ Չեմպիոնների Լիգայում իր այսօրվա մրցակից Արսեն Վենգերը Պրեմիեր Լիգայի լավագույն մարզիչն է:
Այսօր գիշերը «Էմիրեյթս» մարզադաշտում կհանդիպեն F խմբի առաջատարները: Բենիտեսը, ով նախկինում մարզել է նաև «Լիվերպուլը» և «Չելսին», բարձր է գնահատում իր մրցակցին:
-Ես սպասում եմ, որ այսօր մեր դեմ շատ ուժեղ թիմ դուրս կգա, քանի որ Վենգերը Պրեմիեր Լիգայի լավագույն մարզիչն է: Այժմ ամեն ինչ շատ լավ է ընթանում նրանց համար:
Վենգերը հիանալի մարզիչ և հիանալի անձնավորություն է: Նա Եվրոպայում հանդես գալու մեծ փորձ ունի: Հուսով եմ, որ նա կհաղթի Չեմպիոնների Լիգան, բայց ոչ այս տարի,- Բենիտեսի խոսքերն է մեջբերում Sky Sports-ը:
