«Մանչեսթեր Յունայթեդի» նախկին հարձակվող Կրիշտիանու Ռոնալդուն կարող է ստանալ Լիգայի գավաթի հաղթողի մեդալ։
«Յունայթեդը» նվաճեց իր առաջին գավաթը 2017 թվականից ի վեր՝ երեկ երեկոյան Ուեմբլիում 2:0 հաշվով հաղթելով «Նյուքասլին»:
«Յունայթեդը» դեռ հունվարին խզել էր պայմանագիրը Ռոնալդուի հետ, որին նախորդել էր սկանդալային հարցազրույցը Կրիշտիանուի հետ, ով ոչ մի րոպե չխաղաց Լիգայի գավաթում։
Այնուամենայնիվ, Լիգայի գավաթի կանոններն այնպիսին են, որ հաղթողները իրավունք ունեն ստանալու 30 հուշանվերային մրցանակներ, որոնք ակումբը բաժանում է իր հայեցողությամբ, հայտնում է Daily Mail-ը:
«Կարմիր սատանաների» գլխավոր մարզիչ Էրիկ Տեն Հագը Լիգայի գավաթի վեց խաղում օգտագործել է 27 խաղացողի, ինչը նշանակում է, որ ակումբն ունի երեք լրացուցիչ մեդալ, որոնցից մեկը կարող է ստանալ Ռոնալդուն, որն այժմ հանդես է գալիս Սաուդյան Արաբիայի «Ալ-Նասրում»:
