«Լիվերպուլի» գլխավոր մարզիչ Բրենդան Ռոջերսը հայտնել է, որ ձմեռային տրանսֆերային պատուհանի վերջին օրը իրենք ամեն ինչ արեցին, որպեսզի ձեռք բերեն «Դնեպրի» վինգեր Եվգենի Կոնոպլյանկային:
Ինչպես գիտենք, հունվարին «կարմիրները» մնացին առանց նորեկի: Լուրերի համաձայն, մերսիսայդցիներն այդպես էլ չկարողացան համաձայնության գալ ուկրաինական ակումբի հետ ֆինանսական խնդիրների պատճառով:
-Ակումբն արեց հնարավոր ամեն ինչ, որպեսզի տրանսֆերն իրականանա: Գործարքն ավարտին հասցնելու համար մենք ուղարկել էինք մեր գլխավոր սկաուտին, գործադիր տնօրենին և գլխավոր բժշկին: Իմ կարծիքով, Յան Էյրը փայլուն է վարել բանակցությունները:
Խոսվում է, որ մենք ֆինանսական հարցում ենք խնդիրներ ունեցել, սակայն իրականում դա այդպես չէ: Գործարքն ուղղակի չի կայացել,- Ռոջերսի խոսքերն է մեջբերում ITV-ն:
