«Չելսիի» հարձակվող Սամուել Էտո՚Օն կարծում է, որ իր թիմի գլխավոր մարզիչ Ժոզե Մոուրինյոն իրեն պահել է հիմարի պես՝ կասկածելով իր իրական տարիքի վրա:
Հիշեցնենք, որ արդեն ավարտված մրցաշրջանի ընթացքում Մոուրինյոն լրագրողների հետ հանդիպման ժամանակ կասկածի տակ դրեց Էտո՚Օի իրական տարիքը. «Էտո՚Օն 32 տարեկան է, կամ միգուցե՝ 35, ով իմանա»,- ասել էր «կապույտների գլխավոր մարզիչ Ժոզե Մոուրինյոն:
Լրագրողների հարցին ի պատասխան, Էտո՚Օն Մոուրինյոյին հիմար է անվանել և հայտնել է, որ կշարունակի բարձր մակարդակով ելույթները:
-Այժմ ես 33 տարեկան եմ, և դուք չպետք է հավատաք այդ հիմարին, ով ինձ ծերուկ է համարել: Եվ եթե դուք նկատել եք, այդ «ծերուկը» մրցաշրջանն ավելի լավ անցկացրեց, քան որոշ երիտասարդներ: Ես ցանկանում եմ խաղալ, քանի որ ինձ շատ լավ եմ զգում:
Աշխարհի հաջորդ առաջնության ժամանակ ես կլինեմ 37 տարեկան: Այնպես որ, ես դեռ երկու առաջնության էլ կարող եմ մասնակցել,- ասել է Էտո՚Օն: African Football
