Պրեմիեր Լիգայի 18-րդ տուրի գլխավոր անակնկալը կայացավ «Սեյնթ Մերիս» մարզադաշտում, ուր հյուրընկալվել էր չեմպիոնական պայքարի գլխավոր ֆավորիտ «Արսենալը»։
«Սաութհեմպտոնը», որը նախորդ տուրում պարտություն էր կրել «Տոտտենհեմից», այս անգամ ջախջախեց նրա հարևան «Արսենալին»։ Ռոնալդ Կումանի սաները չորս անպատասխան գնդակ ուղարկեցին «զինագործների» դարպասը։ Հանդիպման հաշիվը 19-րդ րոպեին բացեց Կուկո Մարտինան։ Երկրորդ խաղակեսում դաշտի տերերը ևս երեք գոլ հեղինակեցին։ Դուբլով աչքի ընկավ Շեյն Լոնգը, մեկ գոլ էլ խփեց Ժոզե Ֆոնտեն։
Այս հաղթանակից հետո «Սաութհեմպտոնը»՝ վաստակած 24 միավորով բարձրացավ 12-րդ հորիզոնական, իսկ «Արսենալը» չկարողացավ օգտվել առաջատար «Լեսթերի» պարտությունից և կշարունակի մնալ 2-րդ հորիզոնականում։
Գոլեր․ Մարտինա՝ 19ր, Լոնգ՝ 55ր, 90ր, Ֆոնտե՝ 69ր։
